Koflikt për parkingun, plagosen dy vëllezër

Beteje mes dy palë vë;llezërish vetëm për një parkim makine. Dy të palgosur, dy të tjerë në kërkim si dhe përdorim i dhunës dhe i armës së krimit janë të dhënat që policia detajon për ngjarjen. Kështu mësohet se dy vëllezër mbetën të plagosur dy netë më parë në Sarandë pas një konflikti fizik me dy persona të tjerë. Policia tha se debati ka nisur për parkimin e automjeteve ndërsa më pas ka dëgjeneruar në fjalë fyese e më pas në përleshje fizike. Sipas burimeve të policisë lokale, mësohet se të plagosurit janë shtetasit Klerion e Stefan Gjinika ndërsa si autorë të ngjarjes, akuzohen Spartak dhe Stavri Vasili. Sipas hetuesve, përveç sendeve të forta, në përleshje është përdorur edhe një armë zjarri. Burimet nga policia thanë se dy autorët e ngjarjes, janë shpallur në kërkim me akuzat “vrasje e mbetur në tentativë” dhe “armëmbajtje pa leje”.