Humb të dashurin dhe studimet në Oxford, vetëflijohet 24 vjeçaria

Humb të dashurin dhe studimet në Oxford, vetëflijohet 24 vjeçaria

TIRANË- Vetëhelmohet në gjendje depresive një vajzë në periferi të kryeqytetit, pak vite pas humbjes së një njeriu të njohur të saj. Ndërkaq familja i pohoi policisë se e bija kishte fituar të drejtën e studimit në Universitetin e Oksfordit, por se nuk kishin para ta paguanin ndaj edhe ajo kishte kaluar në gjendje depresive për këtë shkak. Ngjarja e dhimbshme ndodhi në Paskuqan, në fillim të kësaj jave, kur 24- vjeçarja Sabajeta Peposhi, lindur në Kukës dhe banuese në Paskuqan të Tiranës, konsumoi një sasi tabletash valiumi me qëllimin për t'u vetëflijuar. Vajza mësohet se ka konsumuar medikamentin në banesën e saj në periferi të Tiranës, në Paskuqan, por pas disa minutash është gjendur nga familjarët e saj në gjendje të rëndë. Sipas policisë, Peposhi është dërguar më pas për ndihmë mjekësore në Spitalin Ushtarak nga të afërmit, ku ka mundur të jetojë dy ditë në reanimacion, por më pas ka ndërruar jetë për shkak të intoksikimit të rëndë. Ajo humbi jetën pas dy ditë qëndrimi në sptial, edhe pas ndërhyrjeve të shumta të mjekëve për t'i shpëtuar jetën. Policia ka nisur hetimet duke marrë në fillim dëshmitë e familjarëve të viktimës, të cilët kanë rrëfyer për problemet e mundshme që ajo mund të ketë pasur. Nga të dhënat paraprake të Policisë së Tiranës, dyshohet se dy janë shkaqet që mund ta kenë shtyre Sabajeta Peposhin që të vetëhelmohet, vdekja e të dashurit të saj në një aksident automobilistik. Si pistë të dytë, policia ka hetuar edhe pamundësinë e vazhdimit të studimeve jashtë Shqipërisë të saj. Mësohet se Peposhi, e diplomuar për Gazetari në Universitetin e Tiranës, ka pasur një lidhje me një djalë, për më shumë se katër vjet, por ky i fundit ka humbur jetën në një aksident automobilistik. Ndërkohë pjesë e hetimeve të policisë është edhe pista e mos vazhdimit të studimeve në Oksford Sabajetja, pasi mësohet se i kishte dalë një bursë për të studiuar në Angli. Në pamundësi ekonomike, viktima nuk i ka vazhduar studimet jashtë Shqipërisë dhe dyshohet që kjo është njëra nga arsyet që e kanë bërë të renë që të kalojë në një gjendje depresive. Këto janë dy pistat, ku janë përqendruar hetimet e policisë dhe në ditët ne vazhdim, pas përfundimit të hetimeve pritet që të mësohen motivet që e kanë shtyre 24- vjeçaren nga Kukësi që t'i japë fund jetës, duke u vetëhelmuar. Nga hetimet që po zhvillon Policia e Tiranës mësohet se Peposhi me origjinë nga Kukësi, por banuese prej disa vitesh në Tiranë, e ka kryer aktin e vetëhelmimit në kushtet e gjendjes së rëndë depresive. Viktima është përcjellë dje për në banesën e fundit.